Biodantzabai Rolando Tororen sistema jarraitzen dugun biodantza-bideratzaile talde batek sortutako elkartea da Biodantza Bai. Sarean lan egin nahi dugu eta biodantza zabaldu. Elkartearen ateak ireki nahi ditugu eta gure helburuak azaldu, gurekin bat egin dezazuen:

  • Rolando Tororen Biodantza sistema ezagutzera ematea.
  • Biodanzarekin bat egiten duzuenontzat jarduerak bultzatzea.
  • Biodantzaren profesionalen eta bideratzaileen garapenerako plataforma bat izatea.
  • Elkartearentzat interesgarriak diren beste erakunde eta entitateekin komunikazioa eta elkarlana bideratzea.
  • Biodantza euskaraz ematea eta horretarako behar diren tresnak prestatzea.
  • Hezkuntza biozentrikoa hainbat arlotan integratzea, hala nola, hezkuntza arloan, arlo enpresarialean, sozialean, kulturalean, kirolean, osasungintzan, profesionalen taldeetan, osasunaren prebentzioan, emakume taldeetan, hirugarren adinekoen artean, immigranteen artean, haurtzaroan, ezgaitasunik duten pertsonen artean, menpekotasunik dutenen artean, baztertuen artean, eta oro har, herritar guztien artean.

BAZKIDEEI ZER ESKAINTZEN DIEGU?

  • Erantzukizun Zibileko asegurua (bideratzaileen zein ikasleen estaldura duena).
  • Euskal herrian biodantzari buruz sortzen den informazioa zabalduko duen bloga. Bertan berri interesgarriak jasoko ditugu: talde egonkorrak, lantegiak, monografiak, bideoak, liburuak...
  • Biodantzarekin zerikusia duten proiektuak laguntzeko entitate bat.
  • Hala nahi baduzu, lan-batzordeen bidez zure lan ekarpena jasotzeko leku bat.
  • Elkartearen lantegietan dohainik parte hartzeko aukera. Bazkide ez direnentzat lantegi bakoitzak 40 €-ko prezioa izango du. Lehen lantegia 2015eko apirilaren 12an izango da, 10:00etatik 14:00etara. Bideratzaile bat edo bi izango ditu.